2024 ஐபிஎல் தொடரின் இன்றைய முதல் போட்டியில் லக்னோ சூப்பர் ஜெய்ண்ட்ஸ் அணி 20 ஓவர்கள் முடிவில் 7 விக்கெட்கள் இழப்பிற்கு 161 ரன்களை எடுத்தது.
இந்தியன் பிரீமியர் லீக்கின் 17-வது சீசன் மார்ச் 22 ஆம் தேதி தொடங்கியது. இதில் மொத்தம் 10 அணிகள் பங்குபெற்றுள்ளது.
இதில் சென்னை சூப்பர் கிங்ஸ், டெல்லி கேப்பிட்டல்ஸ், குஜராத் டைட்டன்ஸ்,கொல்கத்தா நைட் ரைடர்ஸ், லக்னோ சூப்பர் ஜெயண்ட்ஸ், மும்பை இந்தியன்ஸ், பஞ்சாப் கிங்ஸ், ராஜஸ்தான் ராயல்ஸ், ராயல் சேலஞ்சர்ஸ் பெங்களூரு, சன் ரைசர்ஸ் ஹைதராபாத் ஆகிய அணிகள் கலந்து கொண்டுள்ளன.
இன்றைய நாள் இரண்டு போட்டிகள் நடைபெறுகிறது. இதில் முதல் போட்டி கொல்கத்தாவில் உள்ள ஈடன் கார்டன்ஸ் மைதானத்தில் கொல்கத்தா நைட் ரைடர்ஸ் மற்றும் லக்னோ சூப்பர் ஜெய்ண்ட்ஸ் அணிகளுக்கு இடையே நடைபெறுகிறது.
இதில் டாஸ் வென்ற கொல்கத்தா நைட் ரைடர்ஸ் அணி முதலில் பந்துவீச்சை தேர்வு செய்தது. அதன்படி முதலில் பேட்டிங் செய்த அணி லக்னோ அணி 20 ஓவர்கள் முடிவில் 7 விக்கெட்கள் இழப்பிற்கு 161 ரன்களை எடுத்தது.
இதில் தொடக்க வீரராக களமிறங்கிய குவின்டன் டி காக் 10 ரன்களில் ஆட்டமிழந்தார். மற்றொரு தொடக்க வீரரான கே.எல்.ராகுல் 3 பௌண்டரீஸ் மற்றும் 2 சிக்சர்கள் என மொத்தமாக 39 ரன்களை எடுத்து ஆட்டமிழந்தார்.
தொடர்ந்து களமிறங்கிய தீபக் ஹூடா 8 ரன்களிலும், மார்கஸ் ஸ்டோய்னிஸ் 10 ரன்களிலும் ஆட்டமிழக்க ஆயுஷ் படோனி 29 ரன்களை எடுத்து ஆட்டமிழந்தார்.
பின்னர் களமிறங்கிய நிக்கோலஸ் பூரன் அதிரடியாக விளையாடி 2 பௌண்டரீஸ் மற்றும் 4 சிக்சர்கள் என மொத்தமாக 32 பந்துகளில் 45 ரன்களை எடுத்து ஆட்டமிழந்தார்.
இதனால் லக்னோ சூப்பர் ஜெய்ண்ட்ஸ் அணி 20 ஓவர்கள் முடிவில் 7 விக்கெட்கள் இழப்பிற்கு 161 ரன்களை எடுத்தது.
அதேபோல் கொல்கத்தா நைட் ரைடர்ஸ் அணியில் அதிகபட்சமாக மிட்செல் ஸ்டார்க் 3 விக்கெட்களை வீழ்த்தினார். மேலும் வைபவ், சுனில், வருண், ஆன்ட்ரே ரசல் ஆகியோர் தலா 1 விக்கெட்டை வீழ்த்தினர். இதனால் கொல்கத்தா அணிக்கு 162 ரன்கள் இலக்காக நிர்ணயிக்கப்பட்டுள்ளது.
