ராஜஸ்தான் ராயல்ஸ் அணி வெற்றி!

கொல்கத்தா நைட் ரைடர்ஸ் அணிக்கு எதிரான நேற்றைய போட்டியில் 2 விக்கெட்கள் வித்தியாசத்தில் வெற்றி பெற்றது ராஜஸ்தான் ராயல்ஸ் அணி.

இந்தியன் பிரீமியர் லீக்கின் 17-வது சீசன் மார்ச் 22 ஆம் தேதி தொடங்கியது. இதில் மொத்தம் 10 அணிகள் பங்குபெற்றுள்ளது.

இதில் சென்னை சூப்பர் கிங்ஸ், டெல்லி கேப்பிட்டல்ஸ், குஜராத் டைட்டன்ஸ்,கொல்கத்தா நைட் ரைடர்ஸ், லக்னோ சூப்பர் ஜெயண்ட்ஸ், மும்பை இந்தியன்ஸ், பஞ்சாப் கிங்ஸ், ராஜஸ்தான் ராயல்ஸ், ராயல் சேலஞ்சர்ஸ் பெங்களூரு, சன் ரைசர்ஸ் ஹைதராபாத் ஆகிய அணிகள் கலந்து கொண்டுள்ளன.

இதன் தொடரின் 31-வது போட்டி கொல்கத்தா ஈடன் கார்டன்ஸ் மைதானத்தில் கொல்கத்தா நைட் ரைடர்ஸ் மற்றும் ராயல் சேலஞ்சர்ஸ் பெங்களூரு அணிகளுக்கு இடையே நடைபெற்றது.

இதில் டாஸ் வென்ற ராஜஸ்தான் ராயல்ஸ் அணி முதலில் பந்துவீச்சை தேர்வு செய்தது. அதன்படி முதலில் பேட்டிங் செய்த கொல்கத்தா நைட் ரைடர்ஸ் அணி அதிரடியாக விளையாடி 20 ஓவர்கள் முடிவில் 6 விக்கெட்கள் இழப்பிற்கு 223 ரன்கள் எடுத்தது.

இதில் அதிகபட்சமாக சுனில் நரேன் 13 பௌண்டரீஸ் மற்றும் 6 சிக்சர்கள் என மொத்தமாக 56 பந்துகளில் 109 ரன்களை எடுத்து ஆட்டமிழந்தார்.

அதேபோல் அங்கிரிஷ் ரகுவன்ஷி 30 ரன்களும், ரிங்கு சிங் 20 ரன்களும் எடுக்க மற்ற வீரர்கள் சொற்ப ரன்களில் ஆட்டமிழந்தனர். ராஜஸ்தான் அணியில் ஆவேஷ் கான் மற்றும் குலதீப் சென் தலா 2 விக்கெட்களும், ட்ரெண்ட் போல்ட் மற்றும் சாஹல் தலா 1 விக்கெட்டும் வீழ்த்தினர்.

இதை தொடர்ந்து 224 ரன்கள் எடுத்தால் வெற்றி என்ற கடின இலக்குடன் களமிறங்கிய ராஜஸ்தான் ராயல்ஸ் அணிக்கு தொடர்ந்து விக்கெட்கள் சரிந்துகொண்டே வந்தது.

இதில் ரியான் பராக் 34 ரன்களும், ரோவ்மேன் பவல் 26 ரன்களும் வீழ்த்தினர். இப்படி விக்கெட்கள் விழுந்து கொண்டே வந்தாலும், தொடக்க வீரராக களமிறங்கிய ஜோஸ் பட்டலர் நீதமாக விளையாடி 9 பௌண்டரீஸ் மற்றும் 6 சிக்சர்கள் என மொத்தமாக 107 ரன்களை அடித்து ஆட்டமிழக்காமல் அணியை வெற்றி பெற வைத்தார்.

இதனால் ராஜஸ்தான் ராயல்ஸ் அணி 20 ஓவர்களில் 8 விக்கெட்கள் இழப்பிற்கு 224 ரன்களை எடுத்து 2 விக்கெட்கள் வித்தியாசத்தில் வெற்றி பெற்றது. மேலும் இந்த போட்டியில் ஜோஸ் பட்டலருக்கு ஆட்டநாயகன் விருது வழங்கப்பட்டது