ஐபிஎல் தொடரில் சென்னை சூப்பர் கிங்ஸ் மற்றும் லக்னோ சூப்பர் ஜெய்ண்ட்ஸ் அணிகள் மோதும் போட்டிக்கான டிக்கெட் விற்பனை ஏப்ரல் 20 ஆம் தேதி தொடங்குகிறது.
இந்தியன் பிரீமியர் லீக்கின் 17-வது சீசன் மார்ச் 22 ஆம் தேதி தொடங்கியது. இதில் மொத்தம் 10 அணிகள் பங்குபெற்றுள்ளது.
இதில் சென்னை சூப்பர் கிங்ஸ், டெல்லி கேப்பிட்டல்ஸ், குஜராத் டைட்டன்ஸ்,கொல்கத்தா நைட் ரைடர்ஸ், லக்னோ சூப்பர் ஜெயண்ட்ஸ், மும்பை இந்தியன்ஸ், பஞ்சாப் கிங்ஸ், ராஜஸ்தான் ராயல்ஸ், ராயல் சேலஞ்சர்ஸ் பெங்களூரு, சன் ரைசர்ஸ் ஹைதராபாத் ஆகிய அணிகள் கலந்து கொண்டுள்ளன.
ஏப்ரல் 23-ம் தேதி சென்னை சேப்பாக்கம் மைதானத்தில் சென்னை சூப்பர் கிங்ஸ் – லக்னோ சூப்பர் ஜெய்ண்ட்ஸ் அணிகள் மோதும் போட்டிக்கான டிக்கெட் விற்பனை வரும் சனிக்கிழமை தொடங்குகிறது.
இதற்கான டிக்கெட் விலை குறைந்தபட்சமாக 1700 ரூபாய் முதல் அதிகபட்சமாக 6000 ரூபாய் வரை நிர்ணயம் செய்யப்பட்டுள்ளது. இந்த டிக்கெட்களை ஆன்லைனில் பெற்றுக்கொள்ளலாம் என அறிவிக்கப்பட்டுள்ளது.
