நாடாளுமன்ற தேர்தலுக்கான முதற்கட்ட வாக்குப்பதிவு இன்று தொடங்கியுள்ள நிலையில், ஒரு சிறப்பு Doodle ஒன்றை Google வெளியிட்டுள்ளது.
18வது மக்களவைக்கு 543 உறுப்பினர்களைத் தேர்ந்தெடுப்பதற்கான பொதுத் தேர்தல் ஏப்ரல் 19 முதல் ஜூன் 1 வரை ஏழு கட்டங்களாக நடைபெறுகிறது. இன்று 1.87 லட்சம் வாக்குச்சாவடிகளில் 8.4 கோடி ஆண்கள் மற்றும் 8.23 கோடி பெண்கள் உட்பட 16.63 கோடி வாக்காளர்கள் வாக்களிக்க உள்ளனர். முதல் கட்டமாக 21 மாநிலங்கள் மற்றும் யூனியன் பிரதேசங்களில் வாக்குப்பதிவு நடைபெறுகிறது.
எனவே, 18வது மக்களவைத் தேர்தலின் தொடக்கத்தைக் குறிக்கும் வகையில், கூகுள் தனது முகப்புப் பக்கத்தில் “கூகுள்” லோகோவிற்குப் பதிலாக, இந்தியத் தேர்தல்களின் ஜனநாயகச் செயல்முறையைக் குறிக்கும் சின்னமான மையால் குறிக்கப்பட்ட உயர்த்தப்பட்ட ஆள்காட்டி விரலைக் doodle வடிவில் வெளியிட்டுள்ளது.
இதைக் கிளிக் செய்வதன் மூலம் பயனர்கள் இந்தியாவில் தேர்தல்கள் குறித்த சமீபத்திய செய்திகள் மற்றும் பிற விவரங்களை காணமுடிகிறது.
