சாலையோரத்தில் விழுந்த சேதமடைந்த மின்கம்பங்கள்!

சிவகங்கை மாவட்டம், திருப்பத்தூர் அருகே சாலையில் சாய்ந்து கிடக்கும் மின்கம்பங்களை சீரமைக்கக் கோரிக்கை எழுந்துள்ளது.

திருப்பத்தூர் அருகே ஆ.தெக்கூரில் இருந்து திருக்களாம்பூர் செல்லும் பிரதான சாலையோரத்தின் இருபுறமும் வனப்பகுதி அமைந்துள்ளது. இந்நிலையில் இங்குள்ள 3 சேதமடைந்த மின்கம்பங்கள் சாலையோரத்தில் விழுந்துள்ளன.

தகவலறிந்து வந்த மின்வாரிய ஊழியர்கள், உடனே மின் இணைப்பை துண்டித்ததால் பெரும் அசம்பாவிதம் தவிர்க்கப்பட்டது. மின்கம்பங்களை விரைந்து சீரமைக்க நடவடிக்கை எடுக்க வேண்டும் என பொதுமக்கள் கோரிக்கை வைத்துள்ளனர்.