தூத்துக்குடி மீன்வளப் பல்கலைக்கழக முன்னாள் துணைவேந்தர் வீட்டில் கொள்ளையடித்த நபர்களை போலீசார் தேடி வருகின்றனர்.
சின்னமணி நகரை சேர்ந்தவர் சுகுமார், இவர், வெளியூர் சென்றிருந்த நிலையில், வீட்டை சுத்தம் செய்வதற்காக பணிப் பெண் வந்துள்ளார்.
அப்போது கதவு உடைக்கப்பட்டிருப்பதை கண்டு அதிர்ச்சியடைந்த அவர், சுகுமாருக்கு தகவலளித்தார். இதையடுத்து சம்பவ இடத்திற்கு சென்ற காவல்துறையினர், வீட்டை சோதனை செய்ததில் 100 சவரன் தங்க நகைகள் மாயமானது தெரியவந்தது. இதுதொடர்பாக வழக்குப்பதிவு செய்து போலீசார் விசாரணை நடத்தி வருகின்றனர்.
