நாடு முழுவதும் 6 மாநிலங்கள்,2 யூனியன் பிரதேசங்களில் உள்ள 49 தொகுதிகளில் 5-ம் கட்ட மக்களவை தேர்தலுக்கான வாக்குப்பதிவு விறுவிறுப்பாக நடைபெற்று வருகிறது. காலை 9 மணி நிலவரப்படி 10 புள்ளி இரண்டு எட்டு சதவீத வாக்குகள் பதிவாகியுள்ளன.
18-வது மக்களவைத் தேர்தல் 7 கட்டமாக நடைபெறும் நிலையில், இதுவரை 4 கட்டமாக நடந்த தேர்தலில் 379 தொகுதிகளுக்கு வாக்குப்பதிவு நிறைவடைந்துள்ளது.
இதையடுத்து 5-ம் கட்டமாக 6 மாநிலங்கள், 2 யூனியன் பிரதேசங்களில் உள்ள 49 தொகுதிகளில் வாக்குப்பதிவு நடைபெறுகிறது.
உத்தர பிரதேசத்தில் 14 தொகுதிகளிலும், மகாராஷ்டிராவில் 13 தொகுதிகளிலும், மேற்கு வங்கத்தில் 7 தொகுதிகளிலும், பீகார் மற்றும் ஒடிசாவில் தலா 5 தொகுதிகளிலும், ஜார்க்கண்டில் 3 தொகுதிகளிலும், ஜம்மு காஷ்மீர் மற்றும் லடாக்கில் தலா ஒரு தொகுதிக்கும் என மொத்தம் 49 தொகுதிகளில் வாக்குப்பதிவு தொடங்கி நடைபெற்று வருகிறது.
காலை 9 மணி நிலவரப்படி 10 புள்ளி இரண்டு எட்டு சதவீத வாக்குகள் பதிவாகியுள்ளன. அதிகபட்சமாக மேற்கு வங்கத்தில் 15 புள்ளி மூன்று ஐந்து சதவீத வாக்குகள் பதிவாகியுள்ளன.
