கர்நாடகத்தில் இருந்து யாரும் பிரதமராக முடியாது! – முதல்வர் சித்தராமையா

மத்தியில் இந்தியா கூட்டணி வென்றாலும், கர்நாடகத்தில் இருந்து யாரும் பிரதமராக முடியாது என அந்த மாநில முதல்வர் சித்தராமையா தெரிவித்துள்ளார்.

காங்கிரஸ் தலைவர் மல்லிகார்ஜுன கார்கேவை மறைமுகமாக குறிப்பிட்டு, சித்தராமையா இதைத் தெரிவித்துள்ளார்.

பெங்களூரில் செய்தியாளர்களிடம் பேசிய அவர், இந்தியா கூட்டணி வென்றால், கூட்டணி கட்சிகளைக் கலந்து ஆலோசித்து பிரதமர் வேட்பாளரை முடிவு செய்வோம் என்று கூறினார்.

மேலும், கர்நாடகத்தில் மொத்தமுள்ள 28 மக்களவைத் தொகுதிகளில் 15 முதல் 20 தொகுதிகளில் இந்தியா கூட்டணி வெற்றி பெறும் என்றும் சித்தராமையா நம்பிக்கை தெரிவித்தார்.