மஞ்சுமல் பாய்ஸ் படத்தில் அனுமதியின்றி குணா பட பாடலை பயன்படுத்தியதாக கூறி, இழப்பீடு கேட்டு இசையமைப்பாளர் இளையராஜா தரப்பில் நோட்டீஸ் அனுப்பப்பட்டுள்ளது.
மலையாள மொழியில் வெளியான மஞ்சுமல் பாய்ஸ் திரைப்படத்தில், கமல் நடித்த குணா படத்தின் கண்மணி அன்போடு என்ற பாடல் இடம் பெற்றிருந்தது.
இந்த பாடலை அனுமதி இன்றி பயன்படுத்தியதாக மஞ்சுமல் பாய்ஸ் படத் தயாரிப்பு நிறுவனத்துக்கு, இசையமைப்பாளர் இளையராஜா சார்பில் வழக்கறிஞர் சரவணன் நோட்டீஸ் அனுப்பியுள்ளார்.
அதில் பதிப்புரிமை சட்டத்தின் கீழ் இந்தப்பாடலை படத்தில் இருந்து நீக்க வேண்டும், மேலும் இழப்பீடு வழங்க வேண்டும் உள்ளிட்டவை தெரிவிக்கப்பட்டுள்ளது.
