தென்காசி மாவட்டம், சங்கரன்கோவில் அருகே 8 வயது சிறுமி கிணற்றில் தவறி விழுந்து பரிதாபமாக உயிரிழந்தார்.
சேர்ந்தமரம் கரைகண்டார்குளத்தைச் சேர்ந்தவர்கள் தங்கமுருகன்- சுகன்யா தம்பதி. இத்தம்பதியின் எட்டு வயது மகளான கனிஷ்கா, வழக்கம் போல் வீட்டின் அருகே விளையாடிக் கொண்டிருந்துள்ளார்.
அப்போது எதிர்பாராதவிதமாக கிணற்றுக்குள் தவறி விழுந்ததில், கனிஷ்கா நீரில் மூழ்கி உயிரிழந்துள்ளார். தகவலறிந்து சம்பவ இடத்துக்கு வந்த தீயணைப்புத்துறையினர், சிறுமியின் உடலை மீட்டு உடற்கூராய்வுக்காக சங்கரன்கோவில் அரசு மருத்துவமனைக்கு அனுப்பி வைத்தனர்.
