18-வது மக்களவைத் தேர்தலில் பதிவான வாக்குகள் நாளை எண்ணப்படுகின்றன.
மக்களவைத் தேர்தல் கடந்த ஏப்ரல் 19-ம் தேதி முதல் ஜூன் ஒன்றாம் தேதி வரை 7 கட்டங்களாக நடைபெற்றது.
இதில் பதிவான வாக்குகள் நாளை எண்ணப்படுகின்றன. நாளை காலை 8 மணிக்கு வாக்கு எண்ணிக்கை தொடங்குகிறது.
தமிழகத்தில் வாக்கு எண்ணும் பணியில், அலுவலர்கள், உதவியாளர்கள், நுண்பார்வையாளர்கள் 38 ஆயிரத்து 500-க்கும் மேற்பட்டோர் ஈடுபடுத்தப்படுகின்றனர். பாதுகாப்பு பணிக்காக, 15 கம்பெனி துணை ராணுவp படையினர் அந்தந்த வாக்கு எண்ணிக்கை மையங்களில் பணியமர்த்தப்பட்டுள்ளனர்.
இதுதவிர, தமிழகம் முழுவதும் நாளை ஒரு லட்சம் போலீஸார் பாதுகாப்புப் பணியில் ஈடுபடவுள்ளனர். சென்னையை பொறுத்தவரை, 3 வாக்கு எண்ணும் மையங்களிலும் தலா ஆயிரம் போலீஸார் வீதம், 3 ஆயிரம் போலீஸார் பாதுகாப்பு பணியில் ஈடுபடுத்தப்பட்டுள்ளனர்.
