அதிமுகவை ஒற்றுமையால் மீட்டெடுப்போம் என முன்னாள் முதலமைச்சர் ஓ.பன்னீர்செல்வம் அறைகூவல் விடுத்துள்ளார்.
அவர் வெளியிட்டுள்ள அறிக்கையில், ஒற்றை குச்சியை ஒடிப்பது சுலபம், கத்தைக் குச்சியை முறிப்பது கடினம் என சுட்டிக்காட்டியுள்ளார்.
இனியும் சமாதானம் சொல்லி தோல்விக்கு தொண்டர்களை பழக்குவது பாவக் காரியம் என குறிப்பிட்டுள்ள அவர், எம்ஜிஆரின் மந்திரச் சொல்லை மருந்தாக கொள்வோம் என கூறியுள்ளார்.
மேலும், நமது வெற்றியை நாளை சரித்திரமாக்கிட ஒன்றரைக் கோடி தொண்டர்களும் ஒன்றிணைவோம் எனக் கூறியுள்ள அவர், ஜெயலலிதா உச்சத்தில் அமர்த்திப்போன கட்சியையும், ஆட்சியையும் ஒற்றுமையால் மீட்டெடுக்க எத்தகைய தியாகத்திற்கும் ஆயத்தமாகுவோம் என குறிப்பிட்டுள்ளார்.
