புதுக்கோட்டையில் கனமழை காரணமாக வீடுகளுக்குள் கழிவுநீர் புகுந்ததால் மக்கள் அவதியடைந்துள்ளனர்.
புதுக்கோட்டையில் உள்ள பெரியார் நகர் மற்றும் கம்பன் நகர் பகுதியில் இடியுடன் கூடிய கனமழை பெய்தது.
இதனால், தாழ்வான இடங்களில் தண்ணீர் தேங்கியதோடு வீட்டிற்குள் மழைநீர் புகுந்துள்ளது. மழைநீருடன் கழிவுநீர் கலந்து வருவதால் நோய் பரவும் அபாயம் ஏற்பட்டுள்ளது.
இதனால் பொதுமக்கள் கடும் சிரமத்திற்கு ஆளாகியுள்ளனர். எனவே, போர்க்கால அடிப்படையில் நடவடிக்கை எடுக்க வேண்டும் எனவும் அவர்கள் கோரிக்கை விடுத்துள்ளனர்.
