தமிழக வெற்றிக் கழகத்தின் தலைவர் விஜய் பிறந்தநாள் கொண்டாட்டத்தின் போது சாகசத்தில் ஈடுபட்ட சிறுவன் தீக்காயம் ஏற்பட்டு பலத்த காயமடைந்தார்.
சென்னை கிழக்கு கடற்கரை சாலை நீலாங்கரையில், நடிகரும், தமிழக வெற்றிக் கழகத்தின் தலைவருமான விஜய்யின் பிறந்தநாளையொட்டி சிறுவனின் சாகச நிகழ்ச்சி நடைபெற்றது.
கையில் பெட்ரோல் ஊற்றிக் கொண்டு ஓடு உடைக்கும் சாகத்தை செய்தபோது, சிறுவனின் கையில் தீ பற்றி எரிந்து விபத்து ஏற்பட்டது. இதில் காயமடைந்த சிறுவனை அவரது பெற்றோர் நீலாங்கரையில் உள்ள தனியார் மருத்துவமனைக்கு அழைத்து சென்று சிகிச்சை அளித்து வருகின்றனர்.
கள்ளக்குறிச்சி சம்பவத்தால் பிறந்த நாள் கொண்டாட்டம் வேண்டாம் என்று விஜய் அறிவித்திருந்த நிலையில், சென்னை புறநகர் மாவட்ட தலைவர் ஈசிஆர் சரவணன் கொண்டாட்டத்தில் ஈடுபட்டது அக்கட்சிக்குள் சலசலப்பை ஏற்படுத்தியுள்ளது.
