மாநிலங்களுக்கு ஜிஎஸ்டி நிலுவைத் தொகை விரைவில் விடுவிக்கப்படும் என மத்திய நிதியமைச்சர் நிர்மலா சீதாராமன் உறுதியளித்துள்ளார்.
டெல்லியில் 53-வது ஜிஎஸ்டி கவுன்சில் கூட்டம் நிதியமைச்சர் நிர்மலா சீதாராமன் தலைமையில் நடைபெற்றது.
இதில் சீரான வரிப் பகிர்வு மற்றும் ஜிஎஸ்டி நிலுவையை விடுவித்து மாநிலங்களின் வளர்ச்சிக்கு மத்திய அரசு உதவும் என நிர்மலா சீதாராமன் உறுதியளித்தார்.
மேலும், சீர்திருத்த நடவடிக்கைகளுக்காக மத்திய அரசு அளிக்கும் 50 ஆண்டுகால வட்டியில்லா கடன் திட்டத்தை மாநில அரசுகள் பயன்படுத்திக் கொள்ள வேண்டும் என்றும் நிர்மலா சீதாராமன் கேட்டுக்கொண்டதாக தகவல் வெளியாகியுள்ளது.
இந்தக் கூட்டத்துக்கு இடையே மத்திய நிதியமைச்சர் நிர்மலா சீதாராமனை தமிழக நிதியமைச்சர் தங்கம் தென்னரசு சந்தித்துப் பேசினார்.
அப்போது சென்னை மெட்ரோ 2-ஆம் கட்ட திட்டத்துக்கான நிதியை விரைவாக விடுவிக்குமாறு அவர் வலியுறுத்தியதாக நிதித்துறை வட்டாரங்கள் தெரிவித்துள்ளன.
