புதுச்சேரி மற்றும் 23 மாநிலங்களுக்கு புதிய பொறுப்பாளர்களை நியமித்து பாஜக பொதுச் செயலர் அருண் சிங் அறிவிப்பு வெளியிட்டுள்ளார்.
மக்களவை தேர்தல் முடிவடைந்த நிலையில், 24 மாநிலங்களுக்கு புதிதாக பொறுப்பாளர்களை பாஜக மேலிடம் நியமித்துள்ளது. அந்த வகையில் பாஜக பொதுச் செயலர் அருண் சிங் வெளியிட்டுள்ள செய்திக் குறிப்பில், புதுச்சேரி பாஜக பொறுப்பாளராக நிர்மல் குமார் சுரானா மீண்டும் நியமனம் செய்யப்படுவதாக தெரிவித்துள்ளார்.
வடகிழக்கு மாநிலங்களுக்கு பொறுப்பாளராக சம்பித் பத்ராவும், இணை பொறுப்பாளராக முரளீதரனும் நியமிக்கப்பட்டுள்ளனர். கர்நாடக பொறுப்பாளராக ராதா மோகன் தாஸ் அகர்வால், இணைப் பொறுப்பாளராக சுதாகர் ரெட்டி ஆகியோர் அறிவிக்கப்பட்டுள்ளனர்.
சுதாகர் ரெட்டி ஏற்கனவே தமிழக பாஜக பொறுப்பாளராக செயல்பட்டு வந்தவர் ஆவார். இதுதவிர கேரள மாநில பொறுப்பாளராக பிரகாஷ் ஜவடேகரும், இணை பொறுப்பாளராக அபர்ஜிதா சாரங்கியும் நியமிக்கப்பட்டுள்ளனர். இதேபோல அந்தமான் நிக்கோபர், அருணாசல பிரதேசம் உள்ளிட்ட 24 மாநிலங்களுக்கு பாஜக பொறுப்பாளர்கள், இணை பொறுப்பாளர்கள் அறிவிக்கப்பட்டுள்ளனர்.
