தமிழகத்தில் அரசியல் படுகொலைகள் அதிகரித்து வருவதாக பாஜக மூத்த தலைவர் தமிழிசை செளந்தரராஜன் வேதனை தெரிவித்துள்ளார்.
சென்னையில் செய்தியாளர்களிடம் பேசிய தமிழிசை சௌந்திரராஜன், திராவிட மாடல் தற்போது கொலை மாடலாக மாறிவிட்டதாக விமர்சித்தார்.
தமிழகத்தில் அரசியல் படுகொலைகள் அதிகரித்து விட்டதாகவும், இவ்விவகாரத்தில் முதலமைச்சர் மு.க.ஸ்டாலின் மெளனம் காப்பதாகவும் அவர் குற்றம்சாட்டினார்.
பகுஜன் சமாஜ் மாநில தலைவர் ஆர்ம்ஸ்ட்ராங் கொலை வழக்கை சிபிஐ விசாரிக்க வேண்டுமென கூறிய அவர், ஆர்ம்ஸ்ட்ராங்கின் உடலுக்கு மரியாதை செலுத்த முதலமைச்சர் மு.க.ஸ்டாலின் வராதது ஏன்? என்றும் கேள்வி எழுப்பினார்.
கள்ளச்சாராயத்தால் ஏராளமானோர் உயிரிழந்த கள்ளக்குறிச்சிக்கும் முதல்வர் மு.க.ஸ்டாலின் போகாததை சுட்டிக்காட்டிய தமிழிசை செளந்தரராஜன், இதுபோன்ற இடங்களுக்குச் செல்ல முதலமைச்சர் பயப்படுவதாகவும் தெரிவித்தார்.
