நீலகிரி மாவட்டம், உதகை அரசு தாவரவியல் பூங்காவில் வார விடுமுறை தினத்தையொட்டி ஏராளமான சுற்றுலாப் பயணிகள் குவிந்தனர்.
நீலகிரி மாவட்டத்திற்கு நாள்தோறும் ஆயிரக்கணக்கான சுற்றுலாப் பயணிகள் வருகை தருகின்றனர். அவர்கள் உதகையில் உள்ள உலக புகழ்பெற்ற அரசு தாவரவியல் பூங்கா, ரோஜா பூங்கா, படகு இல்லம், தொட்டபெட்டா சிகரம் உள்ளிட்ட சுற்றுலா தலங்களை கண்டு ரசித்து செல்கின்றனர்.
அந்த வகையில் வார விடுமுறை தினத்தையொட்டி, அரசு தாவரவியல் பூங்காவில் ஏராளமான சுற்றுலாப் பயணிகள் குவிந்தனர். அப்போது அங்குள்ள கண்ணாடி மாளிகையில் பூத்து குலுங்கும் மலர்களை கண்டு ரசித்ததோடு, செல்பி மற்றும் புகைப்படம் எடுத்து மகிழ்ந்தனர்.
