பெண்களுக்கு அதிக விடுப்பு வழங்குவதை கட்டாயமாக்குவது அவர்களை பணியிடங்களில் இருந்து ஒதுக்கி வைக்க வழி வகுக்கும் என உச்ச நீதிமன்றம் தெரிவித்துள்ளது.
பெண்களுக்கு பணியிடங்களில் மாதவிடாய் காலங்களில் விடுப்பு வழங்கும் வகையில் தெளிவான கொள்கைகளை உருவாக்கக் கோரிய மனு தலைமை நீதிபதி சந்திரசூட் அமர்வில் விசாரணைக்கு வந்தது.
இரு வாதங்களை கேட்டறிந்த நீதிபதி, அதிக விடுப்பு பெண்களுக்கு வழங்குவதை கட்டாயமாக்குவது என்பது பெண்கள் பணியிடங்களில் இருந்து ஒதுக்கி வைக்க வழி வகுக்கும் என கூறியுள்ளார்.
அதை தாங்கள் விரும்பவில்லை என்றும், பெண்களை பாதுகாக்க எடுக்கும் முயற்சிகள் அவர்களுக்கு பாதகமாக அமையவும் வாய்ப்புள்ளதாகவும் குறிப்பிட்டுள்ளார்.
எனவே இந்த விவகாரம் அரசின் கொள்கை முடிவு சார்ந்தது என்பதால் நீதிமன்றங்கள் இதில் தலையிட விரும்பவில்லை எனவும் தெரிவித்துள்ளார்.
அதே நேரத்தில் சம்பந்தப்பட்ட மனுதாரர் மத்திய பெண்கள் மற்றும் குழந்தைகள் நலத்துறை அமைச்சகத்தை நாடி இது தொடர்பான கோரிக்கைகளை முன்வைக்கலாம் எனவும் நீதிமன்றம் அறிவுறுத்தியுள்ளது.
