ஒகேனக்கல் காவிரி ஆற்றில் நீர்வரத்து 22 ஆயிரம் கன அடியாக அதிகரித்துள்ளது.
காவிரி நீர்ப்பிடிப்பு பகுதியில் கனமழை பெய்து வருவதன் காரணமாக கர்நாடக அணைகளில் இருந்து அதிக நீர் திறக்கப்பட்டுள்ளது.
இதன் காரணமாக தருமபுரி மாவட்டம் பென்னாகரம் அடுத்த ஒகேனக்கல் காவிரி ஆற்றில் நேற்று மாலை வினாடிக்கு 21 ஆயிரம் கனடியாக நீர்வரத்து இருந்தது.
இதனைதொடர்ந்து இன்றைய நிலவரப்படி வினாடிக்கு 22 ஆயிரம் கன அடியாக நீர்வரத்து அதிகரித்துள்ளது. இதனால், பரிசல் இயக்கவும், சுற்றுலா பயணிகள் குளிக்கவும் 2-வது நாளாக தடை விதித்து மாவட்ட நிர்வாகம் உத்தரவிட்டுள்ளது.
