இலங்கை கடற்படையால் கைது செய்யப்பட்ட 22 தமிழக மீனவர்களுக்கு ஜூலை 24ம் தேதி வரை நீதிமன்ற காவல் வழங்கி இலங்கை நீதிமன்றம் உத்தரவிட்டுள்ளது.
நெடுந்தீவு அருகே மீன்பிடித்துக் கொண்டிருந்த ராமேஷ்வரம் மீனவர்கள் 22 பேரை எல்லைத்தாண்டி மீன்பிடித்ததாக கூறி இலங்கை கடற்படையினர் கைது செய்தனர்.
இதனையடுத்து ஊர்காவல்துறை நீதிமன்றத்தில் ஆஜர்படுத்தப்பட்ட மீனவர்கள் யாழ்ப்பாணம் சிறையில் அடைக்கப்பட்டனர்.
இந்நிலையில் மீனவர்களின் நீதிமன்ற காவலை 24ம் தேதி வரை நீட்டித்து இலங்கை நீதிமன்றம் உத்தரவிட்டுள்ளது.
