நாடாளுமன்றத்தில் மக்களவை எதிர்க்கட்சித் தலைவர் ராகுல் காந்தி அராஜகம் செய்ததாக மத்திய உள்துறை அமைச்சர் அமித் ஷா விமர்சித்துள்ளார்.
ஜார்க்கண்ட் மாநிலம் ராஞ்சியில் நடைபெற்ற பாஜக மாநில செயற்குழு கூட்டத்தில் பங்கேற்று பேசிய அவர்,
ஜனநாயக நாட்டில் தேர்தலில் வென்ற கட்சியினர் அராஜகத்தை கட்டவிழ்த்துவிட்டதாக ஆளும் ஜார்க்கண்ட் முக்தி மோர்ச்சாவை மறைமுகமாக குற்றம்சாட்டினார்.
மக்களவைத் தேர்தலில் யார் வென்றார்கள் என்பதை அனைவரும் அறிவார்கள் என்று கூறிய அமித் ஷா, மக்களவை எதிர்க்கட்சித் தலைவர் ராகுல் காந்தி நாடாளுமன்றத்தில் செய்த அராஜகத்தை ஒட்டுமொத்த மக்களும் பார்த்ததாக குறிப்பிட்டார்.
மேலும், தேர்தலில் மூன்றில் இரண்டு பங்கு இடங்களை வென்ற கட்சி கூட இவ்வாறு செய்ததில்லை என்று பாஜகவை மேற்கோள்காட்டி, உள்துறை அமைச்சர் அமித் ஷா கருத்து தெரிவித்தார்.
