பட்ஜெட்டில் தங்கம் மீதான சுங்க வரி குறைக்கப்பட்ட நிலையில், சென்னையில் 2வது நாளாக தங்கம் விலை குறைந்துள்ளது.
நாடாளுமன்றத்தில் நேற்று 2024- 2025 நிதி ஆண்டுக்கான பட்ஜெட் தாக்கல் செய்யப்பட்ட நிலையில் தங்கம், வெள்ளி நகைகளுக்கு 6 சதவீதமும், பிளாட்டினம் நகைகளுக்கு 6 புள்ளி 4 சதவீதமும் சுங்க வரி குறைக்கப்பட்டது.
இதனையடுத்து தங்கம் விலை ஒரே நாளில் சவரனுக்கு 2 ஆயிரத்து 80 ரூபாய் குறைந்தது. இது இல்லத்தரசிகளுக்கு மகிழ்ச்சி அளிக்கும் செய்தியாக அமைந்ததோடு தங்கம் வாங்கவும் மக்கள் ஆர்வம் காட்டி வருகின்றனர்.
இந்நிலையில் 2வது நாளாக தங்கம் விலை சவரனுக்கு 480 ரூபாய் குறைந்துள்ளது. அதன்படி ஒரு சவரன் தங்கம் 51 ஆயிரத்து 920 ரூபாய்க்கும், ஒரு கிராம் தங்கம் 60 ரூபாய் குறைந்து 6 ஆயிரத்து 490 ரூபாய்க்கும் விற்பனை செய்யப்படுகிறது. அதேபோல வெள்ளி விலை 50 காசுகள் குறைந்து 92 ரூபாய்க்கு விற்பனையாகிறது.
