பட்ஜெட்டில் தங்கம் மீதான சுங்க வரி குறைக்கப்பட்ட நிலையில், சென்னையில் 4வது நாளாக தங்கம் விலை குறைந்து விற்பனையாகிறது.
நாடாளுமன்றத்தில் பட்ஜெட் தாக்கல் செய்யப்பட்ட நிலையில் தங்கம், வெள்ளி நகைகளுக்கு 6 சதவீதமும், பிளாட்டினம் நகைகளுக்கு 6 புள்ளி 4 சதவீதமும் சுங்க வரி குறைக்கப்பட்டது. இதனையடுத்து வரி குறைக்கப்பட்ட முதல் நாளிலே தங்கம் விலை சவரனுக்கு 2 ஆயிரத்து 80 ரூபாய் குறைந்தது.
இந்நிலையில் 4வது நாளாக இன்றும் தங்கம் விலை குறைந்தே காணப்படுகிறது. அதன்படி ஒரு சவரன் தங்கம் 120 ரூபாய் குறைந்து 51 ஆயிரத்து 320 ரூபாய்க்கு விற்பனை செய்யப்படுகிறது.
இதன் மூலம் கிராமுக்கு 15 ரூபாய் குறைந்து 6 ஆயிரத்து 415 ரூபாய்க்கு விற்பனை செய்யப்பட்டு வருகிறது. வெள்ளியை பொறுத்தவரை விலை மாற்றமின்றி ஒரு கிராம் வெள்ளி 89 ரூபாய்க்கு விற்பனை செய்யப்பட்டு வருகிறது.
