யுஜிசி நெட் தேர்வு ஆகஸ்ட் 21 முதல் செப்டம்பர் 4 வரை நடக்கும் என தேசிய தேர்வு முகமை அறிவித்துள்ளது.
தேர்வு நடக்கும் மையம் தொடர்பாக என்டிஏ இணையதளத்தை பார்த்து தெரிந்து கொள்ளலாம் எனவும் அறிவிக்கப்பட்டுள்ளது. கடந்த ஜூன் 18 ம் தேதி யுஜிசி நெட் தேர்வு நடந்தது. இந்த தேர்வில் வினாத்தாள் கசிந்ததாக புகார் எழுந்தது.
இதனையடுத்து இந்த தேர்வை ரத்து செய்து தேசிய தேர்வு முகமை மற்றும் மத்திய கல்வித்துறை அமைச்சகம் அறிவித்தது. இந்நிலையிலெயே யுஜிசி நெட் தேர்வுக்கான தேதியானது வெளியிடப்பட்டுள்ளது.
