சந்திரயான் – 3 திட்ட விஞ்ஞானிகள், பொறியாளர்களுக்கு ராஷ்ட்ரீய விக்யான் புரஸ்கார் விருதுக்கான அறிப்பை மத்திய அரசு வெளியிட்டுள்ளது.
கடந்தாண்டு நிலவின் தென் துருவத்தில் சந்திரயான்-3 விண்கலத்தின் லேண்டர் வெற்றிகரமாக தரையிறங்கியது.
இஸ்ரோ விஞ்ஞானிகளின் இந்த சாதனையை உலகமே பாராட்டியது. இதன்மூலம் நிலவின் தென்துருவத்தில் கால் பதித்த உலகின் முதல் நாடு என்ற பெருமையை இந்தியா பெற்றது.
இந்நிலையில், தமிழகத்தின் பி.வீரமுத்துவேல் தலைமையிலான சந்திரயான்-3 திட்டக்குழுவை பாராட்டும் வகையில் மத்திய அரசு விருது அறிவித்துள்ளது. அதன்படி இத்திட்டத்தில் பங்காற்றிய விஞ்ஞானிகள், பொறியாளர்கள் என 33 பேருக்கு ராஷ்ட்ரீய விக்யான் புரஸ்கார் விருதுக்கான அறிவிப்பை மத்திய அரசு வெளியிட்டுள்ளது.
