வினேஷ் போகத் தகுதி நீக்கம் செய்யப்பட்டதற்கு எதிரான மேல்முறையீட்டு வழக்கின் தீர்ப்பு வரும் 13ஆம் தேதி ஒத்திவைக்கப்பட்டுள்ளது.
பாரீஸ் ஒலிம்பிக்கில் பெண்கள் 50 கிலோ எடைப்பிரிவுக்கான மல்யுத்த இறுதிப்போட்டியில், உடல் எடை சில கிராம்கள் வரை கூடியதால் இந்திய வீராங்கனை வினேஷ் போகத் தகுதி நீக்கம் செய்யப்பட்டதாக ஒலிம்பிக் கமிட்டி அறிவித்தது. இதனை அடுத்து, தனது தகுதி நீக்கத்திற்கு எதிராக விளையாட்டுக்கான நடுவர் நீதிமன்றத்தில் வினேஷ் போகத் முறையிட்டார்.
மேலும், தனது தகுதி நீக்கத்தை ரத்து செய்ய வேண்டும் என்றும், இறுதிப்போட்டிக்கு தகுதிபெற்ற தமக்கு வெள்ளிப் பதக்கம் அளிக்க வேண்டும் எனவும் கோரிக்கை விடுத்தார். இந்த வழக்கு சர்வதேச விளையாட்டு நடுவர் மன்றத்தில் விசாரணைக்கு வந்தது.
அப்போது வினேஷ் போத் விவகாரத்தில் அனைத்து தரப்பினரிடமும் விசாரணை நடத்தப்படும் என்றும், ஒலிம்பிக் முடிவதற்குள் தீர்ப்பு வழங்கப்படும் எனவும் நடுவர் நீதிமன்றம் அறிவித்தது. மேலும், இந்த மேல்முறையீட்டு வழக்கின் தீர்ப்பு வரும் 13ஆம் தேதி அறிவிக்கப்படும் என தெரிவிக்கப்பட்டது.
