குலசேகரப்பட்டினம் ராக்கெட் ஏவுதள பணிகள் இரண்டு ஆண்டுகளில் நிறைவடையும் என இஸ்ரோ தலைவர் சோம்நாத் தெரிவித்துள்ளார்.
புவி கண்காணிப்பு செயல்பாடுகளுக்காக இஸ்ரோ வடிவமைத்த அதிநவீன EOS-08 எனும் செயற்கைக்கோள், SSLV D-3 ராக்கெட் மூலம் இன்று வெற்றிகரமாக விண்ணில் செலுத்தப்பட்டது.
இது தொடர்பாக செய்தியாளர்களை சந்தித்த இஸ்ரோ தலைவர் சோம்நாத், எஸ்எஸ்எல்வி-D3 ராக்கெட் மூலம் விண்ணில் செலுத்தப்பட்ட EOS – 8 செயற்கைகோள் வெற்றிகரமாக விண்ணில் நிலைநிறுத்தப்பட்டதாக தெரிவித்தார்.
புவி கண்காணிப்புப் பணிக்காக துல்லியமான அதிநவீன கருவிகளுடன் செயற்கைகோள் தயாரிக்கப்பட்டுள்ளதாகவும் அவர் கூறினார். குலசேகரப்பட்டினம் ராக்கெட் ஏவுதள பணிகள் இரண்டு ஆண்டுகளில் முடிவடையும் என்றும் அவர் தெரிவித்தார்.
