நெல்லையில் உள்ள திரையரங்கில் வாழை தோரணம் கட்டி மாரி செல்வராஜ் இயக்கத்தில் உருவாகியுள்ள வாழை திரைப்படத்திற்கு ரசிகர்கள் உற்சாக வரவேற்பு அளித்தனர்.
மாரி செல்வராஜ் இயக்கத்தில் தமிழகம் முழுவதும் இன்று வாழை திரைப்படம் வெளியானது. இந்நிலையில் நெல்லையில் உள்ள ராம் திரையரங்கில் திரையிடப்பட்ட வாழை படத்தின் முதல் காட்சிக்கு ரசிகர்கள் உற்சாக வரவேற்பு அளித்தனர்.
திரையரங்கம் முழுவதும் வாழைத் தோரணம் கட்டியும், செண்டை மேளம், நையாண்டி மேளம், தப்பாட்டம் ஆகிய கலை நிகழ்ச்சிகளுடனும் திரைப்படத்தை ரசிகர்கள் கொண்டாடினர்.
அதனைத்தொடர்ந்து படத்தை பார்ப்பதற்காக வருகைதந்த மாரி செல்வராஜுக்கு பட்டாசுகள் வெடித்தும், மேள தாளங்கள் முழங்கவும் உற்சாக வரவேற்பு அளிக்கப்பட்டது.
