தமிழகத்தில் நீண்டகாலமாக திமுகவின் வாக்கு வங்கியாகக் கருதப்பட்ட உருது பேசும் ‘தக்னி’ இஸ்லாமியர்கள், தற்போது ஆளுங்கட்சிக்கு எதிராக போர்க்கொடி தூக்கியிருப்பது அரசியல் வட்டாரத்தில் பரபரப்பை ஏற்படுத்தியுள்ளது.
திமுக ஆட்சி அமைந்த பின், வக்பு வாரியத்தின் செயல்பாடு மிகவும் மோசமாகி விட்டதாகவும், நிரந்தரமாக முதன்மை அலுவலரை கூட நியமிக்காமல் வஞ்சித்துள்ளதாகவும், இதனால், இஸ்லாமிய மக்கள் திமுகவுக்கு எதிராக உள்ளதாகவும் கூறப்படுகிறது.
சில இஸ்லாமியர் கட்சிகளை மட்டும் அருகில் வைத்துக்கொண்டு, ஒட்டுமொத்த இஸ்லாமியர்களும் திமுகவின் பின்னால் நிற்பது போன்ற மாயையை உருவாக்குவதாகவும், திமுக கொடுக்கும் தேர்தல் நிதிக்காக, இஸ்லாமிய கட்சிகளும் மௌனம் காப்பதாகவும் குற்றச்சாட்டு எழுந்துள்ளது.
தமிழகத்தில் சுமார் 1 புள்ளி 7 சதவீதம் உள்ள தக்னி இஸ்லாமியர்களுக்கு அரசியல் ரீதியாகவோ அல்லது அரசுப் பதவிகளிலோ தகுந்த பிரதிநிதித்துவம் வழங்கப்படவில்லை எனவும் இருமொழிக் கொள்கை என்ற பெயரில், உருது மொழியை ஒரு சாதாரண மொழிப்பாடம் போலத் தரம் குறைத்துவிட்டதாகவும் புகார் எழுந்துள்ளது
ஏற்கனவே, சன்னி முஸ்லிம்கள், தங்கள் வழிபாட்டு முறைக்கு எதிரானவரை தலைமை ஹாஜியாக நியமித்ததால், திமுக அரசுக்கு எதிராக திரும்பியுள்ள நிலையில், தற்போது, தக்னி இஸ்லாம் அமைப்புகளும் எதிராக திரும்பி உள்ளதால், இதை எப்படி சமாளிப்பது என புரியாமல் திமுக தரப்பு தடுமாறுவதாக தகவல்கள் வெளியாகியுள்ளது.
