பெண்களுக்கு எதிரான குற்றங்களை விசாரிக்கும் விரைவு நீதிமன்றங்களை 850 ஆக விரிவுபடுத்த மத்திய அமைச்சரவை ஒப்புதல் அளித்துள்ளது.
டெல்லியில் மத்திய அமைச்சரவை கூட்டத்திற்கு பிறகு செய்தியாளர்களிடம் பேசிய மத்திய அமைச்சர் அஸ்வினி வைஷ்ணவ், சிறார் துன்புறுத்தல் மற்றும் பாலியல் வழக்குகளை விரைந்து முடிப்பதற்காக நாடு முழுவதும் விரைவு சிறப்பு நீதிமன்றங்களின் எண்ணிக்கையை 850 ஆக உயர்த்த மத்திய அமைச்சரவை ஒப்புதல் குறிப்பிட்டார். விரைவு சிறப்பு நீதிமன்றத் திட்டத்தை மேலும் ஐந்து ஆண்டுகளுக்கு அமைச்சரவை நீட்டித்துள்ளதாகவும் தெரிவித்தார். பெண்களுக்கு அல்லது அடுத்த தலைமுறையினருக்கு எதிராக பிரச்னைகள் உருவாகும்போது அதற்கு எதிராக உறுதியான நடவடிக்கை எடுப்பதில் அரசு உறுதியாக உள்ளதாகவும் அவர் கூறினார். ஏற்கனவே இருக்கும் சட்டங்களை வலுப்படுத்துவது, புதிய சட்டங்களை இயற்றுவது, அவற்றை முறையாக அமல்படுத்துவது ஆகிய நடவடிக்கைகள் மேற்கொள்ளப்படும் என்றும் மத்திய அமைச்சர் அஸ்வினி வைஷ்ணவ் குறிப்பிட்டார்.
