ஆக்ஸ்போர்டு பல்கலைக்கழகத்தில் பயில்வதற்காக சென்ற தமிழக பாஜக தலைவர் அண்ணாமலை லண்டன் சென்றடைந்தார். அங்கு அவருக்கு உற்சாக வரவேற்பு அளிக்கப்பட்டது.
ஆக்ஸ்போர்டு பல்கலைக்கழகத்தில் அரசியல் சான்றிதழ் படிப்பு பயில்வதற்காக தமிழக பாஜக தலைவர் அண்ணாமலை நேற்றிரவு லண்டன் புறப்பட்டு சென்றார். மூன்று மாத படிப்புக்காக லண்டன் சென்ற அண்ணாமலை, நவம்பர் மாதம் இந்தியா திரும்புகிறார்.
இந்நிலையில் நேற்று நள்ளிரவில் சென்னை விமான நிலையம் வந்த அண்ணாமலைக்கு பாஜக நிர்வாகிகள் மற்றும் தொண்டர்கள் உற்சாக வரவேற்பு அளித்தனர். அண்ணாமலைக்கு பூங்கொத்து வழங்கியும், வாழ்த்து தெரிவித்தும் பாஜக நிர்வாகிகள் மகிழ்ச்சியை வெளிப்படுத்தினர்.
மூன்று மாதங்களும் லண்டனில் இருந்தவாறே ஆன்லைன் வாயிலாக அண்ணாமலை கட்சிப் பணிகளை கவனிப்பார் என பாஜக தலைமை அறிவித்துள்ள நிலையில், அவரது லண்டன் பயணம் வெற்றிபெற ‘அண்ணாமலை’ என்ற ஹேஷ்டாக்கை சமூக வலைதளத்தில் பாஜக டிரெண்ட் செய்தது.
