10-ஆம் வகுப்பு பொதுத்தேர்வு அசல் மதிப்பெண் சான்றிதழ் இன்று முதல் வினியோகம் செய்யப்படும் என்று அரசுத் தேர்வுகள் இயக்ககம் தெரிவித்துள்ளது.
தமிழகத்தில் 10-ம் வகுப்பு மாணவர்களுக்கான பொதுத்தேர்வு கடந்த மார்ச் மாதம் 26-ம் தேதி தொடங்கி ஏப்ரல் மாதம் 8-ம் தேதி வரை நடைபெற்றது. இத்தேர்வை, 9 லட்சத்து 8 ஆயிரம் மாணவ, மாணவிகள் எழுதினர்.
தேர்வு முடிவுகள் கடந்த மே மாதம் 10-ம் தேதி வெளியான நிலையில், அதில் 91 புள்ளி 55 சதவீத மாணவர்கள் தேர்ச்சி அடைந்தனர். இந்த நிலையில், 10-ம் வகுப்பு பொதுத்தேர்வு அசல் மதிப்பெண் சான்றிதழ் இன்று முதல் வினியோகம் செய்யப்படும் என அரசு தேர்வுகள் இயக்ககம் அறிவித்துள்ளது.
அதன்படி மாணவர்களுக்கு இன்று காலை 10 மணி முதல் பள்ளி தலைமை ஆசிரியர்கள் மூலம் அசல் மதிப்பெண் சான்றிதழ் வினியோகம் செய்யப்படும் எனவும் தனித்தேர்வர்கள் தாங்கள் தேர்வு எழுதிய மையங்களிலேயே சான்றிதழை பெற்றுக் கொள்ளலாம் எனவும் அறிவுறுத்தப்பட்டுள்ளது.
