முல்லைப் பெரியாறில் புதிய அணை கட்டத் தேவையில்லை என மெட்ரோ ரயில் திட்டத்தின் தந்தை ஸ்ரீதரன் தெரிவித்துள்ளார்.
இது தொடர்பாக கோழிக்கோட்டில் நடைபெற்ற நிகழ்ச்சி ஒன்றில் பேசிய ஸ்ரீதரன், முல்லைப் பெரியாறு அணை குறித்த தகவல்களை விக்கிப்பீடியாவில் படித்ததாகவும், அப்போது தான் அது கேரளாவில் இருப்பதையும், தமிழகத்துக்கு தண்ணீர் வழங்கப்படுவதையும் தெரிந்துகொண்டதாக கூறினார்.
முல்லை பெரியாறு அணையின் பாதுகாப்பு தொடர்பாக பல்வேறு தவறான புரிதல்கள் உள்ளன எனவும் ஸ்ரீதரன் தெரிவித்தார்.
ஒவ்வொரு 120 மீட்டருக்கும் பாதுகாப்பு தூண்களை அமைத்து, சிறிய வாய்க்கால்களை கட்டமைத்து தண்ணீரை சேமிப்பதால் அடுத்த 50 ஆண்டுகளுக்கு அணையை பாதுகாப்பாக வைத்திருக்க முடியும் எனவும் அவர் கூறினார்.
எனவே அங்கு புதிய அணையை கட்டுவதை விட ஏற்கனவே உள்ள அணையை முறையாக பராமரிப்பதே போதுமானதாக இருக்கும் எனவும் ஸ்ரீதரன் தெரிவித்தார்.
