தமிழக பாஜக சார்பில் பரிதாபங்கள் யூடியூப் சேனல் மீது ஆந்திர டிஜிபியிடம் புகார் அளிக்கப்பட்டுள்ளது.
பரிதாபங்கள் யூடியூப் சேனலில் திருப்பதி லட்டு விவகாரம் தொடர்பான வீடியோ வெளியிடப்பட்டு சிறிது நேரத்தில் நீக்கப்பட்டது. இந்நிலையில், தமிழக பாஜக விளையாட்டுப் பிரிவு தலைவர் அமர் பிரசாத் ரெட்டி சார்பில் பரிதாபங்கள் யூடியூப் சேனல் மீது ஆந்திர டிஜிபியிடம் புகார் அளிக்கப்பட்டுள்ளது.
அந்த புகார் மனுவில் பரிதாபங்கள் யூடியூப் சேனல் வெளியிட்ட வீடியோ மத நம்பிக்கைகளையும், அதன் நடைமுறைகளையும் குறிவைக்கும் வகையில் உள்ளதாக தெரிவிக்கப்பட்டுள்ளது.
திருப்பதி பிரசாதத்தை குறைத்து மதிப்பிடும் வகையில் அந்த வீடியோ இருப்பதாகவும், ஆந்திர முதலமைச்சர் மற்றும் துணை முதலமைச்சரை குறிவைத்து தவறான கருத்துகள் அந்த வீடியோவில் உள்ளதாகவும் புகார் மனுவில் தெரிவிக்கப்பட்டுள்ளது.
