தேனி மாவட்டத்தில் கனமழை – மஞ்சளாறு அணையில் இருந்து உபரி நீர் திறப்பு!

தேனி மாவட்டத்தில் பெய்த கனமழையால் மஞ்சளாறு அணையில் இருந்து உபரி நீர் திறக்கப்பட்டுள்ளது.

கடந்த சில தினங்களாக பெரியகுளம் மற்றும் அதை சுற்றியுள்ள மேற்கு தொடர்ச்சி மலைப்பகுதிகளில் கனமழை பெய்தது. இதன் காரணமாக மஞ்சளார் அணைக்கு நீர்வரத்து 184 கன அடியாக அதிகரித்த நிலையில், அணையின் நீர்மட்டம் 55 அடியாக உயர்ந்தது.

இதையடுத்து மஞ்சளார் அணையில் இருந்து 184 கன அடி உபரி நீரை பொதுப்பணித்துறை அதிகாரிகள் திறந்துவிட்டுள்ளனர். மேலும், இதன் காரணமாக ஆற்றங்கரையோர மக்களுக்கு வெள்ள அபாய எச்சரிக்கை விடுக்கப்பட்டுள்ளது.