தமிழகத்தில் மதுவினால் ஏற்படும் பாதிப்புகளிலிருந்து மக்களை காப்பாற்ற வேண்டி கும்பகோணத்தில் பாமக சார்பில் சர்வ மங்கள மகா யாகம் நடைபெற்றது.
மதுவை ஒழிப்போம், மக்களைக் காப்போம் என்பதை வலியுறுத்தி கும்பகோணம் ரயில் நிலையம் அருகே நடைபெற்ற யாகத்தில் 100க்கும் மேற்பட்ட மூலிகைகள் பயன்படுத்தப்பட்டன.
முன்னதாக மகாமக குளத்தில் இருந்து யாகத்திற்குத் தேவையான மங்களப் பொருட்களுடன் பெண்கள் ஊர்வலமாக வந்தனர். நிகழ்ச்சியில் பாமக நிறுவனர் மருத்துவர் ராமதாஸின் மகள் காந்தி பரசுராமன் மற்றும் கட்சியின் நிர்வாகிகள் பலர் கலந்து கொண்டனர்.
தமிழகத்தில் அனைத்து மதுக் கடைகளையும் படிப்படியாக மூட வேண்டும் என்றும், மது அருந்துவதை மக்கள் முற்றிலுமாக கைவிட வேண்டும் எனவும் வலியுறுத்தி யாகம் நடத்தப்பட்டது.
