இந்திய விமானப் படையின் 92ம் ஆண்டு தினத்தை ஒட்டி, சென்னை மெரினா கடற்கரையில் இன்று காலை 11 மணி அளவில் பிரமாண்டமான விமான சாகச நிகழ்ச்சிகள் நடைபெறுகின்றன.
சென்னையில் கடந்த 2003ம் ஆண்டு விமான சாகசம் நடைபெற்ற நிலையில் 21 ஆண்டுகள் பிறகு மீண்டும் சென்னையில் நடைபெறுகிறது. இதற்காக கடந்த 3 நாட்களாக ஒத்திகை நிகழ்ச்சிகள் நடந்தன. இதில் சுக்கோய் சு 30, MI 17 VH ஹெலிகாப்டர்கள், அட்வான்ஸ் லைட் ஹெலிகாப்டர், மல்ட்டிரோல் காம்பேட் ஏர்கிராப்ட், ரபேல் ஏர்கிராப்ட் உள்ளிட்டவை பங்கெடுத்து பார்வையாளர்களை பிரமிக்க வைத்தன.
இந்நிலையில்,விமானப்படை சாகச நிகழ்ச்சிகள் இன்று காலை 11 மணிக்கு தொடங்கி பகல் 1 மணி வரை நடைபெறுகிறது.
இந்த சாகச நிகழ்ச்சியை பொதுமக்கள் கண்டுகளிக்கும் வகையில் மெரினாவில் விரிவான ஏற்பாடுகள் செய்யப்பட்டுள்ளன. பொதுமக்களுக்கு தேவையான குடிநீர், கழிவறை வசதிகள், பேருந்து, ரயில் போக்குவரத்து வசதிகள் செய்யப்பட்டுள்ளன. சாகச நிகழ்ச்சியை காண சுமார் 15 லட்சம் பேர் வருவார்கள் என எதிர்பார்க்கப்படுகிறது.
