நடிகர் விஜய் கருவில் இருக்கும்போதே தம் மனைவி ஷோபா கச்சேரிகளில் பாடியதாகவும், இதன்மூலமே விஜய்க்கு பாட்டு பாடும் திறன் வந்ததாகவும் இயக்குனர் எஸ்.ஏ.சந்திரசேகர் தெரிவித்துள்ளார்.
சென்னை கோடம்பாக்கத்தில் உள்ள சர்வதேச திரைப்பட மற்றும் ஊடக அகாடமியான DESIFMA பள்ளியில், பட்டம் வழங்கும் விழா நடைபெற்றது. இதில் இயக்குனர்கள் எஸ்.ஏ.சந்திரசேகர், வெங்கட் பிரபு உள்ளிட்ட பலர் கலந்து கொண்டனர்.
அப்போது செய்தியாளர்களிடம் பேசிய எஸ்.ஏ.சந்திரசேகர், தில்லானா மோகனாம்பாள், சலங்கை ஒலி போன்ற திரைப்படங்கள் இனி வெளிவர வாய்ப்பே இல்லை என தெரிவித்தார். விஜய் கருவில் இருக்கும்போதே தம் மனைவி ஷோபா கச்சேரிகளில் பாடியதாகவும், இதன்மூலமே விஜய்க்கு பாட்டு பாடும் திறன் வந்ததாகவும் கூறினார்.
இதனைத்தொடர்ந்து பேசிய இயக்குநர் வெங்கட் பிரபு, அடுத்த தளபதி சிவகார்த்திகேயன் என கூறவில்லை என்றும், தளபதிக்கு நிகர் யாருமில்லை என்றும் தெரிவித்தார். அஜித்தின் ரேசிங் வீடியோவில் மங்காத்தா பாடல் ஒலிப்பது மகிழ்ச்சியளிப்பதாகவும் கூறினார்.
