தேனி மாவட்டத்தில் கிளை வாய்க்கால்கள் தூர் வாரப்படாததால் கடைமடை பகுதிக்கு தண்ணீர் வந்துசேரவில்லை என விவசாயிகள் குற்றம் சாட்டியுள்ளனர்.
பெரியகுளம் அருகே உள்ள மஞ்சாளர் அணையின் நீர்மட்டம் 55 அடியை எட்டிய நிலையில், கடந்த மாதம் 17 -ஆம் தேதி 100 கனஅடி தண்ணீர் திறக்கப்பட்டது.
இதன் மூலம் தேனி மற்றும் திண்டுக்கல் மாவட்டத்தில் உள்ள 5 ஆயிரத்து 259 ஏக்கர் நிலங்கள் பாசன வசதி பெறும் என கூறப்பட்டது. ஆனால், கிளை வாய்க்கால்கள் பல பகுதிகளில் உடைந்து சேதமடைந்துள்ளதால் தங்கள் பகுதிக்கு தண்ணீர் வந்து சேரவில்லை என விவசாயிகள் தெரிவித்துள்ளனர்.
