தமிழ்நாட்டில் சுமார் 6 கோடியே 27 லட்சம் வாக்காளர்கள் இருப்பதாக தேர்தல் ஆணையம் தெரிவித்துள்ளது.
தமிழகத்தில் வெளியிடப்பட்ட வரைவு வாக்காளர் பட்டியலின்படி, மாநிலத்தில் அதிகபட்சமாக 6 லட்சத்து 76 ஆயிரம் வாக்காளர்களுடன் அதிக வாக்காளர்கள் கொண்ட தொகுதியாக சோழிங்கநல்லூர் தொகுதி உள்ளது.
அதேபோல் ஒரு லட்சத்து 73 ஆயிரம் வாக்காளர்களுடன் மாநிலத்தில் குறைந்த வாக்காளர்கள் கொண்ட தொகுதியாக நாகை கீழ்வேளூர் தொகுதி உள்ளது.
மேலும், தமிழ்நாட்டில் 6 கோடியே 27 லட்சத்து 30 ஆயிரத்து 588 வாக்காளர்கள் இருப்பதாக தேர்தல் ஆணையம் வெளியிட்டுள்ள செய்திக்குறிப்பில் தெரிவிக்கப்பட்டுள்ளது.
வாக்காளர் பட்டியலில் பெயர் சேர்த்தல் மற்றும் திருத்தம் மேற்கொள்ள நவம்பர் 16,17, 23, 24 ஆகிய தேதிகளில் சிறப்பு முகாம் நடைபெறும் என அறிவித்துள்ள தேர்தல் ஆணையம், பெயர் சேர்த்தலுக்கான விண்ணப்பதுடன் வசிப்பிட முகவரி மற்றும் வயது ஆகியவற்றுக்கான சான்றுகள் சமர்ப்பிக்கப்பட வேண்டும் எனவும் அறிவுறுத்தி உள்ளது.
