மதுரையில் அமைச்சர் கே.என்.நேரு ஆய்வுக்கு வந்தபோது மருத்துவ முகாமில் ஆள் இல்லாததால் உடல் ஆரோக்கியத்துடன் இருந்தவரை நோயாளி போல் நடிக் வைத்த அவலம் அரங்கேறியது.
ஆழ்வார்புரம் பகுதியில் வைகையாற்றில் வெள்ளநீர் செல்லும் பகுதியை அமைச்சர்கள் கேஎன்.நேரு, மூர்த்தி , பழனிவேல் தியாகராஜன் மற்றும் மாவட்ட ஆட்சியர் உள்ளிட்டோர் பார்வையிட்டு ஆய்வு மேற்கொண்டனர்.
அப்போது அங்கிருந்த ஆம்புலன்ஸில் இருந்த செவிலியர்கள் மற்றும் மருத்துவர்கள் நோயாளி போல ஒருவரை நீண்ட நேரமாக இருக்கையில் அமர வைத்து காத்திருந்தனர். நோயாளி போல ஆம்புலன்ஸிலேயே உட்கார்ந்து இருந்த அந்த நபர், தான் நோயாளி அல்ல என்றும், திடீரென்று தன்னை நோயாளி மாதிரி அமர வைத்து விட்டதாகவும் புலம்பியடி சென்றார்.
ஆட்கள் நடமாட்டம் இல்லாத பகுதியில் மருத்துவ முகாமிற்கான ஆம்புலன்ஸை நிறுத்தி வைத்து, பணியாளர்களின் நேரத்தை வீணடித்ததோடு இதுபோன்ற வீண் விளம்பரத்தில் ஈடுபட வேண்டுமா என அப்பகுதி மக்கள் ஆதங்கம் தெரிவிக்கின்றனர்.
