கள்ளக்குறிச்சி மாவட்டம் உளுந்தூர்பேட்டை அருகே இருசக்கர வாகனத்தில் எடுத்துச்சென்றபோது பட்டாசு வெடித்த விபத்தில் ஒருவர் உயிரிழந்தார்.
எறையூர் கிராமத்தை சேர்ந்த 3 இளைஞர்கள் பட்டாசுகளை வாங்கிக்கொண்டு இருசக்கர வாகனம் மூலம் அவற்றை தங்களது வீடுகளுக்கு எடுத்துச்செல்ல முயன்றுள்ளனர். எலவனாசூர் கோட்டை அருகே அவர்கள் பயணித்தபோது ராக்கெட் வெடி ஒன்று இவர்கள் ஒட்டி வந்த இருசக்கர வாகனத்தின் மீது விழுந்துள்ளது.
இதை தொடர்ந்து இவர்களிடம் இருந்த பட்டாசும் வெடிக்க தொடங்கியுள்ளது. இதில், 3 இளைஞர்களும் படுகாயமடைந்த நிலையில், டேவிட் வில்சன் என்ற இளைஞர் மருத்துவமனையில் சிகிச்சை பலனின்றி உயிரிழந்தார்.
