புதுச்சேரி விடுதலை நாளையொட்டி கடற்கரை சாலையில் முதலமைச்சர் ரங்கசாமி தேசியக் தேசியக் கொடி ஏற்றினார்.
பிரெஞ்சு ஆட்சியில் இருந்த புதுச்சேரிக்கு 1954ம் ஆண்டு நவம்பர் 1ம் தேதி விடுதலை கிடைத்தது. இதையடுத்து ஒவ்வொரு ஆண்டும் நவம்பர் 1ம் தேதி புதுச்சேரி விடுதலை தினமாக கொண்டாடப்படுகிறது.
இந்நிலையில், புதுச்சேரி அரசு சார்பில் கடற்கரை சாலையில் விடுதலை தினம் கொண்டாடப்பட்டது. இந்நிகழ்வில் முதலமைச்சர் ரங்கசாமி கலந்துகொண்டு தேசிய கொடியை ஏற்றிவைத்தார்.
தொடர்ந்து நடைபெற்ற காவல்துறையினரின் அணிவகுப்பு மரியாதையை அவர் ஏற்றுக்கொண்டார். இதையடுத்து பல்வேறு கலை நிகழ்ச்சிகள் நடைபெற்ற நிலையில், இந்நிகழ்வில் அமைச்சர்கள், சட்டமன்ற உறுப்பினர்கள் உள்ளிட்ட பலர் கலந்துகொண்டனர்.
