சினிமாவில் இருக்கும் புகழ் மூலம் அரசியலில் ஜெயித்து விடலாம் என எண்ணுவது தவறு என பாஜக மாநில ஒருங்கிணைப்புக்குழு அமைப்பாளர் எச்.ராஜா தெரிவித்துள்ளார்.
தஞ்சாவூர் மாவட்டம் கும்பகோணம் அருகே உள்ள ஒப்பிலியப்பன் கோயிலில் மாநில ஒருங்கிணைப்புக்குழு அமைப்பாளர் எச்.ராஜா தனது குடும்பத்தினருடன் சாமி தரிசனம் செய்தார்.
தொடர்ந்து கோயிலில் உள்ள மூலவர், உற்சவர் உள்ளிட்ட சன்னதிகளில் சிறப்பு வழிபாடு மேற்கொண்ட அவருக்கு, கோயில் நிர்வாகம் சார்பில் பிரசாதம் வழங்கப்பட்டது. பின்னர் செய்தியாளர்களை சந்தித்த எச். ராஜா,
சினிமாவில் இருக்கும் புகழ் மூலம் அரசியலில் ஜெயித்து விடலாம் என எண்ணுவது தவறு என தெரிவித்தார். மேலும், அரசியலில் கூட்டணி கட்சிகளுக்கு பங்கு என்னும் நிலைப்பாட்டை பாஜக முன்பிருந்தே செயல்படுத்தி வருவதாக கூறிய அவர், சினிமாவில் மகா நடிகனாக இருந்த சிவாஜி கணேசன் முதல் சமீபத்தில் உயிரிழந்த விஜயகாந்த் வரை அரசியலில் பெரிய மாற்றம் கொண்டு வர முடியவில்லை என தெரிவித்தார்.
