மத்திய உயர்கல்வி நிறுவனங்களில் சேர்க்கை பெறுவதற்கான ஜேஇஇ முதன்மை தேர்வுக்கு விண்ணப்ப பதிவு தொடங்கியது.
ஐஐடி, என்ஐடி உள்ளிட்ட மத்திய உயர்கல்வி நிறுவனங்களில் இளநிலை படிப்புகளில் சேர ஜேஇஇ நுழைவு தேர்வு நடத்தப்படுகிறது.
அந்தவகையில் 2025-26-ம் கல்வியாண்டுக்கான ஜேஇஇ முதற்கட்ட முதன்மை தேர்வு ஜனவரி 22 முதல் 31-ம் தேதி வரையும், 2-ம் கட்ட தேர்வு ஏப்ரல் முதல் வாரத்திலும் நடைபெற உள்ளது.
இந்நிலையில், தேர்வுக்கான இணையதள விண்ணப்ப பதிவு தொடங்கியுள்ள நிலையில், நவம்பர் 22-ம் தேதிக்குள் விண்ணப்பிக்க வேண்டுமென தேசிய தேர்வு முகமை அறிவுறுத்தியுள்ளது.
மேலும் தமிழ், ஹிந்தி ஆங்கிலம் உள்ளிட்ட 13 மொழிகளில் நடத்தப்படும் தேர்வின் முடிவுகள் பிப்ரவரி 12-ம் தேதி வெளியிடப்படும் என தெரிவிக்கப்பட்டுள்ளது.
