அமரன் படக்குழுவினரை நேரில் வரவழைத்து ரஜினிகாந்த் பாராட்டு தெரிவித்தார்.
இயக்குனர் ராஜ்குமார் பெரியசாமி இயக்கத்தில் கமல் ஹாசன் தயாரிப்பில் உருவான அமரன் திரைப்படத்தில் சிவகார்த்திகேயன் கதாநாயகனதாக நடித்துள்ளார். சாய் பல்லவி கதாநாயகியாக நடிக்க ஜிவி. பிரகாஷ் குமார் இசையமைத்துள்ளார்.
இந்நிலையில், அமரன் படத்தை பார்த்த நடிகர் ரஜினி, தயாரிப்பாளர் கமல்ஹாசனை தொலைபேசியில் தொடர்புகொண்டு பாராட்டினார்.
அத்துடன், அமரன் பட கதாநாயகன் சிவகார்த்திகேயன், இயக்குநர் ராஜ்குமார் பெரியசாமி, தயாரிப்பாளர் ஆர். மகேந்திரன், ஒளிப்பதிவாளர் சாய் உள்ளிட்டோரை நேரில் சந்தித்து தனது பாராட்டுகளையும் வாழ்த்தையும் ரஜினிகாந்த் தெரிவித்தார்.
