பெரியகுளம் அருகே வராக நதி ஆற்றில் வெள்ளப்பெருக்கு ஏற்பட்டுள்ளதால் ஆற்றில் குளிக்க வேண்டாம் என பொதுபணித்துறை அதிகாரிகள் எச்சரிக்கை விடுத்துள்ளனர்.
மேற்கு தொடர்ச்சி மலைப்பகுதிகளில் பெய்த கனமழையின் காரணமாக கல்லாறு, கும்பக்கரை உள்ளிட்ட ஆறுகளில் காட்டாற்று வெள்ளம் ஏற்பட்டது.
இந்த வெள்ளமானது, வராக நதி ஆற்றில் செல்வதால் ஆற்றில் வெள்ளப்பெருக்கு ஏற்பட்டுள்ளது. இதனால், ஆற்றங்கரையோர பகுதிகளில் வசிக்கும் மக்கள் ஆற்றில் குளிக்கவோ, ஆற்றை கடக்கவோ வேண்டாம் என பொதுப்பணித்துறை மற்றும் வருவாய் துறையினர் அறிவுறுத்தியுள்ளனர்.
