பிராமணர்களை இழிவாக பேசும் திமுகவினர் மீது நடவடிக்கை எடுக்க வேண்டும் என்று, இந்து மக்கள் கட்சி தலைவர் அர்ஜுன் சம்பத் வலியுறுத்தி உள்ளார்.
சென்னை, எழும்பூர் ராஜரத்தினம் மைதானத்தில் பிராமணர்களின் பாதுகாப்பை உறுதி செய்ய வலியுறுத்தி இந்து மக்கள் கட்சி சார்பில் ஆர்ப்பாட்டம் நடைபெற்றது. இதில் பங்கேற்று பேசிய அர்ஜூன் சம்பத், அந்தணர் சமுதாயம் தமிழ் சமுதாயத்தில் பிரிக்க முடியாத அங்கம் என்று கூறினார்.
அந்தணர் சமுதாயத்தை பிரித்து விட வேண்டும் என பிரித்தாளும் சூழ்ச்சி நடைபெறுவதாகவும், பிராமணர்களை இழிவாக பேசும் திமுகவினர் மீது முதலமைச்சர் நடவடிக்கை எடுக்க வேண்டும் எனவும் வலியுறுத்தினார்.
