யூடியூபர் இர்பானின் மனைவிக்கு பிரசவம் பார்த்த தனியார் மருத்துவமனையின் மருத்துவர் நிவேதிதாவிற்கு தமிழ்நாடு மருத்துவ கவுன்சில் நோட்டீஸ் அனுப்பியுள்ளது.
சென்னையை சேர்ந்த யூடியூபரான இர்பான் – ஆசிபா தம்பதிக்கு, கடந்த ஜூலை மாதம் சோழிங்கநல்லூரில் உள்ள ரெயின்போ மருத்துவமனையில் குழந்தை பிறந்தது.
பிரசவத்தின்போது, மனைவியின் தொப்புள் கொடியை வெட்டிய இர்பான், அந்த வீடியோவை இணையத்தில் வெளியிட்டார். இந்த விவகாரம் பெரும் சர்ச்சையை ஏற்படுத்திய நிலையில், தொடர்ந்து விசாரணை நடத்தப்பட்டு வருகிறது.
அதன் ஒருபகுதியாக, இர்பானின் மனைவிக்கு பிரசவம் பார்த்த சோழிங்கநல்லூர் ரெயின்போ மருத்துவமனையின் மருத்துவர் நிவேதிதாவிற்கு தமிழ்நாடு மருத்துவ கவுன்சில் விளக்கம் கேட்டு நோட்டீஸ் அனுப்பியுள்ளது.
அதில், மகப்பேறு அறைக்குள் வீடியோ கேமராவோடு இர்பானை அனுமதித்ததற்கான காரணம் என்ன எனவும், எவ்வித பயிற்சியும் இல்லாத ஒருவரை தொப்புள் கொடியை வெட்ட அனுமதித்ததன் ஏன் எனவும் கேள்வி எழுப்பப்பட்டுள்ளது.
